#ကောက်ရိုးမှို မျိုးထုတ်လုပ်နည်း ( #StrawMushroomSpawnProduction) #မိခင်မှိုမျိုးသန့် မွေးမြူခြင်း ( #Mother Culture) #မှိုမာစတာ မှိုမျိုးသန့်

#ကောက်ရိုးမှို မျိုးထုတ်လုပ်နည်း ( #StrawMushroomSpawnProduction)

    Volvariella volvaceae (ကောက်ရိုးမှို)

 မိခင်မှိုမျိုးသန့် မွေးမြူခြင်း (Mother Culture)

(၁) မှိုမျိုးမှုံမှမွေးမြူခြင်း Spore Culture  

(သုတေသနနှင့်ဓာတ်ခွဲခန်း၌သာသုံး)

(၂) မှိုအသားစမှမွေးမြူခြင်း Tissue Culture (အောင်မြင်မှုများ၊ စီးပွား

      ဖြစ်သုံး)

                                 ကောက်ရိုးမှို၏ ဘဝစက်ဝန်း

အာဟာရပြင်ဆင်ခြင်းနှင့် ပေါင်းတင်ပိုးသန့်စင်ခြင်း

    - အာလူး ၂၀၀ ဂရမ်၊ ဂလူးကို့စ်၂၀ ဂရမ်၊  ကျောက်ကျော ၂၀ ဂရမ်၊ ပေါင်းခံရေ ၁၀၀၀ စီစီဖြင့် PDA Media ပြင်ဆင်။

ပြုလုပ်ပုံ

• အာလူး ၂၀၀ ဂရမ်ကို ရေ ၁၀၀၀ စီစီဖြင့် နူးသည်ထိ ပြုတ်ပါ။
• အာလူးပြုတ်ရည်ကို စစ်ယူ၍ ကျောက်ကျော ၂၀ ဂရမ်၊ ဂလူးကို့စ် ၂၀ ဂရမ်၊ တို့ဖြင့် ရေမကျန်အောင် ကျိုပါ။
• သန့်စင်သော ဖန်ပြွန်/အဖြူရောင်ပုလင်းငယ်တွင် ၁/၃ ခန့် ထည့်၍ ဂွမ်းဆို့ပါ။
• စက္ကူအုပ်၍ သားရေကွင်းစည်းကာ ပေါင်းအိုးတွင်ထည့်ပါ။

မျိုးကူးမှန်ခန်းငယ်(Culture Chamber)  ပြင်ဆင်ခြင်း

လေလုံပိုးသန့်မှန်ခန်းငယ်အတွက်လိုအပ်သော ပစ္စည်းများမှာ -

1. ၉၀% အရက်ပြန်
2. ဂွမ်း
3.  အရက်ပျံမီးခွက်
4. ပန်းကန်ပြား Petridish  (ပိုးသန့်သော အခြေအနေ) 
5. မျိုးကူးအပ်
6. လက်ကိုင်ပါ 
7. ထိပ်ချွန်ဓား
8. ခွဲစိတ်ကတ်ကြေးငယ် 

မျိုးကူးမှန်ခန်းငယ်အတွင်းအရက်ပြန်  ဖြင့်ကြိုတင်သန့်ရှင်းခြင်း/  ခရမ်းလွန်ရောင်ခြည်မီးချောင်း မိနစ် ၃၀ ကြာထွန်းထား ပြီးနောက် ၁- ၁ ၁/၂ နာရီခန့်ကြာလျှင်မှိုအသားစယူနိုင်။

 မှိုပွင့်ရွေးချယ်ခြင်းနှင့် မျိုးကူးခြင်း

• အထွက်ကောင်းမျိုး၊ ပုံသဏ္ဌာန်မှန်သော ရောဂါကင်းအထုပ်မှ မျိုးမှိုပွင့်ရွေး၊
• ကောက်ရိုး၊ ငွေနှင်း/ငွေမိုး၊ နို့စိမ်းမှို၊ ရှီတာကီ၊ မျောက်ခေါင်းမှို၊ ကြယ်သီးမှို၊ ရွှေအပ်မှို၊- မှိုငုံ/မှိုပွင့်ကို ဒေါင်လိုက်ခွဲ၊ ပြင်ပဧရိယာနှင့် မထိစပ်သော မှိုထီးရွက်နှင့် မှိုရိုးတံ ထိစပ်သည့် နေရာမှ မှိုအသားစ ၁/၂ စင်တီပတ်လည်ခန့် ဓားဖြင့်ယူ၍ အာဟာရပြင်ပုလင်းထဲသို့ ထည့်ရမည်။
• ကြွက်နားရွက် - ဘေးပတ်လည်အနားကို ကတ်ကြေးဖြင့်ညှပ်၊ အလွှာ နှစ်လွှာကို လက်ဖြင့်ခွာ၍ အတွင်းသား Jelly စ ကို ခြစ်ယူပါ။
• လင်ဇီးမှို ပွင့်အနားသား မရင့်ခင် အဖြူနှင့်အဝါအရစ် ထိစပ်သည့် နေရာမှ အသားစကိုယူပါ၊ (လုပ်ငန်းစဉ်အားလုံး အရက်ပျံမီးတောက်ပေါ်၌သာ လုပ်ဆောင် ရမည်။)
• မျိုးကူးပြီးပုလင်းများကို အပူချိန်အမြင့်ဆုံး ၂၅-၃၀ ºC ရှိသော အလင်းနည်း သောအခန်းတွင် ထားရမည်။
• ၃-၅ ရက်အတွင်း မှိုမျှင်စဖွာ၊ ၂ ပတ်အတွင်း မှိုမျှင်ပြည့်၊ မှိုမျှင်ပြည့်ပြီး ၂-၃ ပတ်အတွင်း သုံးနိုင်၊ ရင့်သွားလျှင် ဆက်မသုံး၊ မျိုးအရည်အသွေးကျဆင်း ခြင်း(Degenerate) ဖြစ်နိုင်။

သတိထားရမည့် အချက်များ

၁။ PDA Media အချိုးအစား မှန်ကန်မှုရှိစေရန်၊ Media ပြုလုပ်သော ပစ္စည်းများအားလုံး အရည်အသွေးကောင်းရန်၊ သုံးသောရေသည် pH7 ပတ်ဝန်းကျင် ရှိသင့်။

၂။ မိခင်မှိုမျိုးသန့်သည် ၂ ပတ်အတွင်း မှိုမျှင်ပြည့်၊ မှိုမျှင်ပြည့်ပြီး ၂-၃ ပတ် အတွင်း သုံးနိုင်၊ ထို့ထက်ကြာလျှင် မျိုးရင့်၊ ဆက်မသုံး၊ Sub-culture ပြုလုပ်ပြီးမှ သုံးသင့်။

၃။ မိခင်မှိုမျိုးမှ ဆင့်ပွားမွေးမြူခြင်း (Sub-culture) ပြုလုပ်ရာတွင် ၃-၅ ကြိမ်ထက် မပိုစေရန်၊ Degenerate ဖြစ်နိုင်။

မှိုမျိုးထိန်းခန်းအတွင်း သတိထားရမည့်အချက်များ

- မျိုးသန့်အာဟာရပြင်ပုလင်းများ (၃)ပတ်တစ်ကြိမ် ထပ်မံပွားများရန်။

- မျိုးကူးမှန်ခန်းငယ်ကို အသုံးမပြုမီ ကြိုတင်ပိုးသန့်စင်ရန်။

- ရောဂါဝင်မျိုးပုလင်း တွေ့ရှိပါက ချက်ချင်းဖယ်ရှားရန်။

- မျိုးပုလင်းတိုင်းကို မျိုးအမည်၊ မျိုးသွင်းရက် ရေးရန်။

- မျိုးပုလင်းတိုင်းကို နေ့စဉ် စစ်ဆေးရန်။

- မျိုးထိန်းခန်းကို (၁)ပတ်တစ်ကြိမ် ဆေးဖျန်းရန်။

- ပိုးမွှားရောဂါ လုံးဝကင်းစင်သော မျိုးပုလင်းကိုသာ မျိုးသွင်းရန်။

#စားသုံးမှိုမွေးမြူစိုက်ပျိုးထုတ်လုပ်နည်းနှင့်GAP အသိပညာပေးသင်တန်း(မန္တလေးတိုင်းဒေသကြီး)တွင် ပို့ချသော သင်တန်းမှတ်စု

ဦးကျော်ကျော် 

B.Agr.Sc

မှိုမာစတာမှိုမျိုးသန့်ထုတ်လုပ်ရေးလုပ်ငန်း

မန္တလေးမြို့။ ၀၉၉၇၇၇၉၉၁၀၄၊ ၀၉၄၀၂၆၆၆၂၇၇၊ ၀၉၉၇၂၆၇၂၄၄